كيف تجعل منتدانا هو الافضل؟

بسم الله الرحمن الرحيم
أعتقد ان الكل ملاحظ ان المنتدى شبه راقد وما فيه حماس...
واذا تم جذي أضمنلكم ان كل عضوجديد بينسحب قبل لا يكمل تسجيله...
تبون منتدانا يكون أفضل منتدى ؟؟؟؟؟؟؟؟؟؟؟؟؟الحل بسيط ..

* اولاً : (( تشجيع الأعضاء الجدد ))
هذي هي البداية وأنت أكيد تتذكر أول يوم حضرت فيه للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائع في الأدب والشعر أو في أي مجالات آخرى
والعضو الي دايم يكون الأول في الترحيب .....( حبوب وقلبه طيب )
* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر))
وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى .....( محبوب الكل )* ثالثاً : تشجيع المواضيع التي يكتبها أصحابها
أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه يسمى .....( نشيط ومميز )
رابعاً : الكلمة السحرية
وهي أن تكتب كلمة ( شكرا على هذا الموضوع ) كلمات قليله لم ولن تتعبك او تنقص من قدرك او كبريئك المزيف ،، كثير مانرى مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك **وأنت يابعدي ماتكلف على عمرك وتجامل صاحب الموضوع** .. عيل (وشوله تشارك وتتعب عمرك)
العضو الي دايم يشارك ويحث الاعضاء على المشاركه يسمى..... ( يا حبنيلك ) وبس

خامساً : محاربة الشـلـه
وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، ومعنى كلمة **شله** هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يدخل بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل
العضو الي جذي يسمى..... ( قريح الطواعين )

سادساً : التواصل بين الأعضاء
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ....( يا طيب القلب ) وأكثر كلمه يسمعها (وينك؟)
سابعاً : التقليل من المواضيع المنقولة
بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصصه قص ولصق ) هذي شئ يطفش ( وشوله اشترك في منتدى !! .. عيل اقراء جريده او مجله او تابع الاخبار في التلفزيون ابرك لك ) !..
ويسمى هذ العضو ( مخربها )

ثامناً : لا تصير خفيف وثقل
يجيلك عضو يكتب كل يوم عشر مواضيع وفي كل قسم يحطله له ست مواضيع من زود ما هو فاضي ،، ويالله يالله نرد على نص مواضيعه ولا نلحق
وهذا يسمى العضو..... ( الغثيث )
تاسعاً : التقليل من المشاكل...
يعني اثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه
مجموعه عاد أونهم راعيين فزعه....
ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء
ويسمى العضو..... ( المشكلجي )...( بالعربجي وولد عم بليس من الرضاع )
عاشراً : خلك ذرب يالمطفوق
يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذاك العضو الي مايدري وين الله حذفه ويرد رد زي وجهه ،، الموضوع في شمال في العليا وهو يرد شرق في الصمان ،، ويخرب الموضوع او يقلبه شات
المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول
ويسمى العضو الي يرد برد في جهه والموضوع في جهه.....( الأحول )

* وأخيراً *
المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))


في النهايه أبيكم تتوجدون في المنتدى عطوه شوي من وقتكم...
لو نص ساعه في اليوم تسجلون فيها حضوركم...
مب واحد يدخل اليوم ويغيب شهر...

يعااافيك خيوووو
وحاضر ولايهمك

يعطيك العافيه كويتي على المجهود وتو الناس ..توه المنتدى يديد..وراح يصير افضل بجهودك وجهود الشباب ..شاكرلك

يعااافيك بس انا قاعد انشط المنتدى

مشكور اخوي على خوفك وحرصك على المنتدى وهذا راح اخليه انشاالله وابإذن الله من احين المنتديات شاكرلك

العفو اخوي تاز ع المرور الروعه

موضوع جميل مشكور اخوي

العفو اخوي وشكرا على المرور

مشكور